بسم الله الرحمن الرحيم
تغيير أكل القطة يحتاج فهم لشخصية القطة ونراعي الشي اللي عودناها عليه وعمرها وبرضومزاجيتها لإن القطط تختلف عن بعضها
في ناس تجوع القطة الين ما تضطر تاكل الموجود قدامها لكن لو كانت القطة عنيدة راح تجوع وتنحف وممكن توصل لحد المرض بدون ما تاكل شي عشان كدا تغيير الأكل المفاجئ للقطة راح يخليها ما تتقبله وطبيعي راح نفشل
الحل لهذه المشكلة اننا نعود القطة من صغرها على التنويع عشان ما تصير متشرطة وتتعبنا لما تكبر
طريقة تعويد القطة على صنف طعام جديد أو نظام غذائي:
في البداية أضيفي كمية قليلة من النوع الجديد إلى القديم وقدميه للقطة
في حال انها رفضت أكله اطحنيه أو قطعيه قطع صغيرة جدا بحيث انها ما تحس فيه وما يتغير طعم الأكل عليها
بعد ما تتقبل الكمية اللي حطيتيها وتاكلها بشكل طبيعي ابدئي زيدي الكمية بالتدريج وقللي من أكلها القديم
في الأخير راح تلاقي القطة تقبلت النوع الجديد وتقدري تقدمي لها وجبة كاملة منه
الشغلة محتاجة صبر بالذات لو كانت القطة كبيرة لكن أبدا مو مستحيلة وأعطي كل مرحلة وقت مو فجأة تزيدي الكمية بشكل كبير وتتوقعيها تتقبلها
طبعا تنويع الأكل للقطة راح يغطي احتياجات جسمها ويخلي صحتها كويسة عشان كذا نهتم بإننا نعودها على أنواع جديدة
Twitter: Catsworld_A
Instagram: CatsWorld_A
Snapchat: CatsWorld_A
Snapchat: CatsWorld_A
(لا أسمح بنقل مواضيعي)
ليست هناك تعليقات:
إرسال تعليق