مشتريات قطتي

بسم الله الرحمن الرحيم

قبل فترة حبيت أجرب أطلب من أمازون أغراض لقطتي والحمدلله كانت تجربة حلوة وحبيت أشارككم فيها

(اضغطو على اسم المنتج بالانجليزي عشان يفتح لكم رابط الشراء من أمازون)

معجون أسنان
CET Poultry Toothpaste, 70 gm

معجون لتفريش الأسنان وطبعا ممكن تلاقوه في محلات الحيوانات بس عن نفسي كل ما رحت يا مخلص يا مدري إِيش فقررت أشتريه أون لاين وانتهينا

لعبة المساج
Catit Design Senses Massage Center

هذي اللعبة أعتبرها خدمة ذاتية للقطط :p

تقدر القطة تحك جسمها بنفسها وتعمل تقريبا زي ما يقولو مساج.. القطعة الرمادية المطاطية تثبت اللعبة عشان ما تتحرك من مكانها

الفتحة اللي في الوسط مخصصة للكات نيب عشان يجذب القطة انها تتمسح في اللعبة وفي نفس الوقت ما تقدر تاكله أو تقرب منه بشكل مباشر بسبب القطعة اللي باللون التفاحي

طبعا يجي معاها علبة صغيرة كات نيب كل مرة حطو كمية قليلة وراح تعطي مفعول حلو

"صورة الكات نيب مع اللعبة اللي بعد هدي!"

لعبة الكور

Catit Design Senses Play Circuit

اللي حبيته في هدي اللعبة انها تتشكل باكثر من شكل وتحمس القطة انها تلعب وفي نفس الوقت تنمي مهاراتها

القطع تتفكك وتتركب بكم شكل على حسب رغبة الشخص وفي قطع للجوانيب عشان تمنع الكورة من انها تخرج، سوزي أكسل من انها تلاحق الكورة للطرف البعيد وترجع تدفها عشان كذا خليتها لها على شكل دائري تروح الكورة وترجع بنفسها

علبة لحفظ الطعام

Snapware Pet Canister, Small, Black Paw

أستخدمها للوجبات اليومية أحط فيها دراي فود
السبب في اني اشتريتها لإن كيس الدراي فود كبير ويضايقني لما يكون موجود قدامي على طول

وفي نفس الوقت صعبة أغير الكيس أو أوزع الدراي فود في علب للتخزين بما إن الكيس مخصص للحفظ

أحسن حل لهدي المشكلة اني آخذ كمية بسيطة من الدراي الفود وأخلي الكيس زي ما هو بكذا ما راح يخرب الدراي فود اللي في الكيس

والكمية البسيطة اللي في العلبة راح أستهلكها قبل ما تخرب
ممكن برضو تستخدم لحفظ التريتز (المكافآت)


أتمنى أكون أفدتكم

Twitter: Catsworld_A

Instagram: CatsWorld_A
Snapchat: CatsWorld_A

(لا أسمح بنقل مواضيعي)